Azərbaycan, Bakı, 4 oktyabr /Trend, müxbir А.Axundov/
İngiltərə-Azərbaycan sığorta şirkəti "Temzа Sigorta Qrup"u yeni xidmətlər göstərməyi planlaşdırır. Bu barədə bazar ertəsi şirkətin idarə heyətinin sədri Samir Mustafayev deyib.
"Hazırda yeni xidmətlər artıq işləmə mərhələsindən keçib. İndi isə sığorta xidmətlərinin yeni növünün öz əksini tapdığı saytın yeni dizaynı üzərində işləyirik", - Mustafayev deyib.
Onun sözlərinə görə, xidmətin yeni növlərindən biri səyahət sığortası olacaq.
Turizm xidmətlərinin sığortası ilə hələ məşğul olmamışıq. Qalan yeni xidmətlər, əsasən, köhnə variantla tətbiq ediləcək. Xidmətin bütün növləri yenilənəcək və təkmilləşdiriləcək", - Mustafayev deyib.
Onun sözlərinə görə, şirkət hələ ki həyat sığortası bazarına çıxmağı planlaşdırmır.
"Bu, bizim gələcək planlarımızdır. Həyat sığortası haqqında hələ fikirləşmirik", - o deyib.
Şirkət 24 növ xidmət göstərir ki, onun 4-ü mütləq, 20-si isə könüllüdür.
Azərbaycan Maliyyə Nazirliyi yanında Dövlət Sığorta Nəzarəti Xidmətinin məlumatlarına əsasən, yanvar-avqust aylarında şirkət tərəfindən 0,31 milyon manat məbləğində sığorta haqqı toplanıb, 0,12 milyon manat dəyərində ödəmələr olub. 2009-cu il ərzində şirkət 0,93 milyon manat sığorta haqqı toplayıb, ödəmələr isə 0,89 milyon manat təşkil edib. İlin sonuna qədər şirkət sığorta haqlarını 1,3-1,5 milyon manata çatdırmaq istəyir.
"Temza Sigorta Qrup"u Sığorta Şirkəti nizamnamə kapitalında pay iştirakının 49 faizinə malikdir, Azərbaycanın sığorta bazarında 1996-cı ildən fəaliyyət göstərir. Azərbaycanın iştirak payı yerli fiziki və hüquqi şəxslərə aiddir (Gala Investment).
Oktyabrın 4-nə rəsmi məzənnə 0,8024 AZN/USD təşkil edir.