Azərbaycan, Bakı, 29 noyabr /Trend, müxbir N.İsmayılova/
Azərbaycanın Əmanətlərin Sığortalanması Fondu (ADIF) vəsaitlərinin "Deutsche bank - Deutsche Invest" törəmə şirkətinin idarəçiliyinə verilməsi prosesi başaçatma mərhələsindədir. Bu barədə bazar ertəsi fondun icraçı direktoru Azad Cavadov bildirib.
"Sonuncu mərhələyə müqavilənin imzalanması daxildir. Bundan sonra vəsait köçürüləcək. Hesab artıq açılıb və yalnız köçürülmə prosesi qalır", - Cavadov bildirib.
Onun sözlərinə görə, fond 10 milyon dollar və beş milyon avronun idarəçiliyə verilməsinin planlaşdırır.
Bugünə fondun məcmu aktivləri 29,9 milyon manatı ötür.
Fondun investisiya siyasətinə görə, onun vəsaitləri "ААА" reytinqli xarici banklarda və maliyyə institutlarındakı yüksəkreytinqli qiymətli kağızlarda yerləşdirilə bilər.
ADIF 2007-ci il avqustun 13-də fəaliyyətə başlayıb və bu gün ölkədə fəaliyyət göstərən 47 bankdan 43-ü fonda daxildir. Üçüncü rübün yekunları üzrə ADIF-in üzvü olan banklarda fiziki şəxslərin məcmu depozitləri 2,707 milyard manat təşkil edib ki, bunun 929,96 milyon manatı sığortalanmamış, 1,777 milyard manatı isə sığortalanmış əmanətlərə aiddir. Göstərilən dövrdə sığortalanmış əmanətçilərin sayı 5 293 303 nəfər təşkil edib.
Noyabrın 29-da məzənnə 0,8001 AZN/USD təşkil edib.
