Azərbaycan, Bakı, 10 dekabr /Trend, müxbir N.İsmayılova/
Azərbaycan Dövlət Gömrük Komitəsi (DGK) yeni Gömrük Məcəlləsi layihəsini ölkənin Milli Məclisinə təqdim edib. Bu barədə cümə günü komitə sədri Aydın Əliyev deyib.
"Yeni Gömrük Məcəlləsinin layihəsi parlamentə təqdim edilib. Gözləyirik ki, artıq gələn ilin əvvəlində bu sənədə komissiya tərəfindən baxılacaq", - Əliyev qeyd edib.
Yeni Gömrük Məcəlləsi qanunvericiliyin, Avropa İttifaqının, eləcə də beynəlxalq norma və standartlara, o cümlədən ÜTT-nin gömrük qiymətləndirilməsi tələblərinə uyğun gətirilməsi məqsədilə hazırlanıb.
Məcəllə DGK tərəfindən UNDP-nin (BMT-nin İnkişaf Proqramı) və Aİ-nin ekspertləri ilə birgə hazırlanıb.
