Azərbaycan, Bakı, 11 dekabr/Trend, müxbir N.İsmayılova/
Azərbaycan Bank Assosiasiyaları yanında fəaliyyət göstərən Azərbaycan Bank Tədris Mərkəzi (ABTM) 2011-ci il üçün proqramını təsdiq edib. Bu barədə ABTM-in rəsmi saytında dərc edilən məlumatda deyilir.
Proqrama əsasən, mərkəz 2011-ci ildə 71 mövzuda kurslar keçirməyi planlaşdırır. ABTM tədris mərkəzi ilə müqavilə bağlayanlara tədrisin dəyərində 5 faizdən 25 faizədək güzəştlər edir.
Cari ildə mərkəz Azərbaycanın 3 min şirkətinin 116 mindən çox əməkdaşının iştirak etdiyi 140 mövzuda 1200-dən çox kurs keçirib.
ABTM EFCB (European Foundation Certificate in Banking) proqramının sertifikatını verməyə səlahiyyəti çatan 14 ölkənin (Şotlandiya, Polşa, İsveçrə, Sloveniya, Rumıniya, Slovakiya, Macarıstan, Yunanıstan, Rusiya, Almaniya və s.) ixtisaslaşmış tədris müəssisələri arasında 36-cıdır. Azərbaycan Bank Tədris Mərkəzi EFCB-də akkreditasiyanı 2008-ci ildə alıb.
