Azərbaycan, Bakı, 27 dekabr /Trend, müxbir N.İsmayılova/
Azərbaycan Sahibkarlar (İşəgötürənlər) Təşkilatları Milli Konfederasiyasının (ASK) Rəyasət Heyətinin iclası keçirilib. İclas çərçivəsində konfederasiyanın ikinci rübün yekunları üzrə fəaliyyəti və ölkədə sahibkarlığın inkişafı məqsədilə aparılan işlər müzakirə edilib. Bu barədə ASK-nın bazar ertəsi yaydığı məlumatda deyilir.
İclas çərçivəsində Azərbaycan Sahibkarlar Konfederasiyasının 2011-ci il üçün strateji planı və büdcəsi də təsdiq edilib. Bundan başqa, konfererasiyanın beynəlxalq əlaqələrinin yaxşılaşdırılması, Almaniyanın "Bildungswerk Der Wirtshaft Meklenburg-Vorpommern e.V." və Azərbaycanın "Sosial Dialoq Sahəsində Əməkdaşlıq" təşkilatları arasında müqavilənin icrası kimi məsələlər də müzakirə edilib.
ASK-nın Rəyasət Heyətinin növbəti iclası 2011-ci il yanvarın sonunda keçiriləcək.