...

Azərbaycanın sığorta şirkəti 2010-cu il üçün sığorta haqlarının yığımı üzrə proqnozu artıqlaması ilə yerinə yetirib

Biznes və iqtisadiyyat xəbərləri Materials 5 Yanvar 2011 16:20 (UTC +04:00)

Azərbaycan, Bakı, 5 yanvar /Trend, müxbir Ü.İsmayılova/

Azərbaycanın sığorat şirkəti "Alfa Sığorta" 2010-cu ilin yekunları üzrə təxminən 2,5 milyon manat yığıb. Bu barədə çərşənbə günü şirkətin Direktorlar Şurasının sədri Xəyal Məmmədxanlı deyib.

"2010-cu ilin əvvəlində şirkət iki milyon manat sığorta haqqı yığmağı planlaşdırmışdı", - Məmmədxanlı qeyd edib.

Onun sözlərinə görə, fəaliyyətin yekunları üzrə şirkət 2011-ci ildə azı üç milyon manat yığmağı proqnozlaşdırır.

Məmmədxanlının sözlərinə görə, bu il üçün "Alfa Sığorta"nın planlarına bir sıra sığorta proqramlarının və avtomobil sığortası, tibbi sığorta, eləcə də kənd təsərrüfatı və fermerlərin sığortalanması üzrə paketlərin yaradılması daxildir. Ölkə regionlarında pərakəndə satışın artırılması da planlaşdırılır.

"2011-ci ildə şirkət Sumqayıt şəhərində ölkə üzrə ən böyük nümayəndəliyini açmağı planlaşdırır", - Məmmədxanlı vurğulayıb.

Ötən ilin dekabrında Şəkidə şirkətin nümayəndəliyi açılıb. Bu günə "Alfa Sığorta"nın beş nümayəndəliyi və Lənkəranda bir regional ofisi var.

Şirkətin planlarına ilk kredit reytinqinin alınması da daxildir və bu il şirkət beynəlxalq reytinq agentliklərindən birinə müraciət etməyi planlaşdırır.

Xəbər lenti

Xəbər lenti