Azərbaycan, Bakı, 13 yanvar /Trend, müxbir N.İsmayılova/
2011-ci ildə "Parabank" 10 regional filialının açılışını planlaşdırır. Bu barədə cümə axşamı bankın xəzinə departamentinin rəhbəri Elnur Ağayev deyib.
"Cari ildə bank üçün prioritet istiqamət ölkə regionlarında filial şəbəkəsinin genişləndirilməsi olacaq. Bu məqsədlə bankın planlarına 10 regional filialın açılışı daxildir", - Ağayev deyib.
Onun sözlərinə görə, yeni filiallar ölkənin bankın hələ təqdim olunmadığı regionlarında açılacaq.
Azərbaycanın ilk ticari banklarından biri olan "Parabank" 1991-ci ildən öz müştərilərinə geniş çeşiddə universal maliyyə xidmətləri təqdim edir.
Bu günə bank aşağıdakı regionlarda fəaliyyət göstərir: Bakıda 9 filial, Gəncə - 2, Sumqayıt, Bərdə, Ağcabədi, Beyləqan, Quba və Şəmkirdə - 1 filial. Bankın kredit siyasəti əsasən kiçik və orta biznesin dəstəklənməsinə yönəldilib.