Azərbaycan, Bakı, 21 yanvar /Trend, müxbir İ.Xəlilova/
2011-ci ildə Azərbaycanda idxal edilən və yerli mallara aksiz dərəcələrinin uyğunlaşdırılması davam etdirilə bilər. Bu barədə cümə günü Azərbaycan maliyyə nazirinin müavini Azər Bayramov deyib.
Belə tələbi Ümumdünya Ticarət Təşkilatı ölkənin təşkilatın üzvlüyünə daxil olması çərçivəsində irəli sürür.
"Aksiz dərəcələrinin unifikasiyası üzrə tədbirlər ölkənin Vergi Məcəlləsinə dəyişikliklər və əlavələr layihəsində öz əksini tapa bilər. Bu, 2011-ci il mayın 15-dək hazırlanmalıdır, - nazir müavini bildirib. - Bizdə hələ də idxal və daxili istehsal dərəcələri arasında fərq qalmaqdadır və bu gün söhbət bu aksiz dərəcələri arasında unifikasiya və ya azaltma haqqında gedir".
Nazir müavininin sözlərinə görə, idxal edilən və daxili bazarda satılan məhsulların aksizləri arasında tənasüblük bu gün tütün və alkoqol məhsullarında qalır. Fərqin orta göstəriciyə daxili məhsullara aksizlərin artırılması və idxal qiymətlərinə yaxınlaşdırmaq vasitəsilə uyğunlaşdırılması planlaşdırılır. Halbuki dərəcələrin unifikasiyası idxal aksiz dərəcələrinin azaldılması vasitəsilə də mümkündür.
Daxili və idxal edilən alkoqol məhsulları arasında dərəcə fərqinin artırılması 2007-ci il aprelin 1-dən idxal alkoqol məhsulunun aksiz dərəcəsinin 1,5 - 2 dəfə artmasından sonra baş verib. Onlara respublikada üzümçülüyün inkişafının stimullaşdırılması, şərabçılıq zavodlarının gücündən daha effektiv istifadə etmək, daxili bazarın qorunması, eləcə də bu sektordan daxilolmaların tənzimlənməsi məqsədilə yenidən baxılıb.
Nazirlər Kabinetinin qərarına əsasən, "220300" (pivə) əmtəə mövqeyinə olan aksiz tarifləri bir litr üçün 0,7 dollardan 1,0 dollara, "2204" (araq) mövqeyinə olan tarif 1,5 dollardan 2,5 dollara qaldırılıb ("2204301000", yəni dondurulma, piqmentasiya və spirtə edilən digər əlavələrin köməyi ilə hazırlanan üzüm mayesi istisna olmaqla).
Bu məhsulların tarifi əvvəlki kimi 1 litr üçün 0,05 dollardır. "2205" və "220600" (vermut və digər üzüm araqları) əmtəə mövqeləri üçün 1,5 dollardan 2,5 dollara, "220820" (distilə yolu ilə alınmış güclü spirtli içkilər), "2208302" (viski), "220840" (rom), "220850" (cin), "220860" (araq), "220870" (likor) və "2208901100-2208907800" (meyvələrdən hazırlanan araq) üçün isə 3,0 dollardan 6,0 dollara qədər qaldırılıb.
Milli istehsalın dəstəklənməsi üçün 2007-ci ildən avtonəqliyyat vasitələrinə də aksiz vergisi tətbiq edilib. Yerli bazarda minik maşınlarına, idman yaxtalarına və istirahət üçün nəzərdə tutulan yaxtalara, eləcə də Azərbaycanda istehsal edilən digər üzən vasitələrə sıfır dərəcəsi tətbiq edilir.
Avtonəqliyyat vasitələrinin idxalına vergi dərəcəsi motorun həcmi 2 min kubmetrə qədər olan avtomobillərin hər 1 kubsantimetrinə görə vergi dərəcəsi 0,15 qəpik, 3 min kubmetrə qədər motorlara görə 300 manat + 2 min kubmetr yuxarı hər kubsantimetrə 1 manat, 4 min kubmetrə qədər motorlar üçün 1300 manat + 3 mindən yuxarı hər kubsantimetrə 2 manat, 4 min kubmetrdən yuxarı motorlar üçün 3300 manat + 4 mindən yuxarı hər kubsantimetr üçün 4 manat müəyyən olunub.