Azərbaycan, Bakı, 29 yanvar /Trend, müxbir A.Axundov /
2010-cu ildə Türkiyəyə səfər edən Azərbaycan vətəndaşlarının dörddə birindən çoxu bu ölkədə yaşayan qohumları ilə görüşmək məqsədilə orada olublar. Bu barədə Türkiyə Statistika İnstitutunun açıqladığı məlumatda deyilir.
2010-cu ildə 441468 Azərbaycan vətəndaşı Türkiyəyə səfər edib. 112055 nəfər doğma və yaxınlarla görüş, 100167 - səyahət və istirahət, 44269 nəfər - ticarət, 30058 -iş (konfranslar, görüşlər və s.), 12822 - müalicə, 7069 - təhsil, 1556 - dini məqsədlər, 685 - tranzit, 132788 nəfərin səfərində məqsəd isə digər səbəblər olub.
2010-cu ildə Türkiyəyə səfər edən Azərbaycan vətəndaşlarının yarısından çoxu muzdlu işçilər olublar.
221805 nəfər muzdlu işçilər, 70535 - sahibkarlar, 60760 - iş axtaran işsizlər, 45854 - evdar qadınlar, 20373 - tələbələr və şagirdlər, 20166 - təqaüdçülər, 1975 nəfər digər kateqoriyalara aiddir.
Türkiyəyə səfər edən Azərbaycan vətəndaşlarının dörddə birindən çoxu yaşı 25-44 arasında olan kişilərdir. Onların sayı 156101 nəfərdir.
79941 nəfər yaşı 45- 64 arasında olan kişilər, 75663 - yaşı 25 - 44 arasındakı qadınlar, 55808 - yaşı 15- 24 arasındakı kişilər, 51910 - yaşı 45-dən 64-dək olan qadınlar, 17501 - yaşı 15-dən 24-dək olan qadınlar, 2475 - yaşı 65-dən yuxarı olan kişilər, 2070 nəfəri isə yaşı65-dən yuxarı olan qadınlardır.
2010-cu ildə Azərbaycandan Türkiyəyə səfər edən 441468 nəfərdən 164180-i yalnız orta təhsilə, 126804 nəfəri natamam orta təhsilə, 111451 nəfər bakalavr, 20961 nəfər magistr və doktordur. 9205 nəfər yalnız ibtidai təhsil alan şəxslər, 5206 nəfər savadsız, 3662 nəfər savadlı, lakin məktəbdə oxumayan şəxslərdir.
Türkiyə Statistika İnstitutunun məlumatına görə, 2010-cu ildə Türkiyəyə 441468 Azərbaycan vətəndaşı səfər edib. 2009-cu ildə bu göstərici 404063 nəfər təşkil edib.
Türkiyə Mədəniyyət və Turizm Nazirliyinin məlumatına görə isə, 2010-cu ildə Türkiyəni ziyarət edən Azərbaycan vətəndaşlarının sayı 486 381 nəfər olub ki, bu da ötən ilki göstəricidən 14,67 faiz çoxdur. 2009-cu ildə 424 155 Azərbaycan vətəndaş Türkiyəyə səfər edib.
2010-cu ildə Türkiyəyə səfər edən əcnəbilərin ümumi sayının 1,7 faizi azərbaycanlıların payına düşüb. 2009-cu ildə bu göstərici 1,57 faiz olub.
2010-cu ildə Türkiyəyə səfər edən xarici vətəndaşların ümumi sayı 28,632 milyon nəfər təşkil edib ki, bu da 2009-cu ildəki göstəricini 5,74 faiz üstələyib. Bu dövr ərzində daha çox sayda əcnəbi Almaniya, Rusiya, Böyük Britaniya və İrandan gəlib.
2010-cu ilin dekabrında Türkiyəyə 40 998 Azərbaycan vətəndaşı gəlib (turistlərin ümumi sayından 3,52 faiz). 2009-cu ilin dekabrında bu isə ölkəyə 32 314 Azərbaycan vətəndaşı (2,64 faiz) səfər etmişdi.
