Azərbaycan, Bakı, 14 fevral /Trend, müxbir N.İsmayılova/
Yanvar ayında Azərbaycanın iqtisadi və sosial sahələrinin inkişafına bütün maliyyə mənbələrindən 432 milyon manat qoyulub. Bu, ötən ilin yanvar ayındakı göstəricini 1,7 faiz üstələyir. Bu barədə bazar ertəsi Dövlət Statistika Komitəsindən məlumat verilib.
Təmir-tikinti işlərinə qoyulan investisiyaların həcmi 0,5 faiz artaraq 231,8 milyon manat təşkil edib ki, bu da qoyulan investisiyaların ümumi həcminin 53,7 faizini təşkil edib. İstehsalat yönümlü tikinti obyektlərinə 238,9 milyon manat, xidmət sahələri sahəsindəki obyektlərə isə 193,1 milyon manat yönəldilib.
2010-cu illə müqayisədə 25,9 faiz azalan xarici investisiyalar 161,8 milyon manat təşkil edib. Onların xüsusi çəkisinin ümumi həcmi 37,5 faiz olub. Müvafiq olaraq investisiyaların ümumi həcmindən 62,5 faiz daxili investisiyaların payına düşür. Daxili investisiyaların böyük hissəsi (69,5 faiz) dövlət müəssisələrinə və təşkilatlara, yalnız 30,5 faizi özəl müəssisələrə qoyulub.
Əsas kapitala qoyulan vəsaitlərin 53,8 faizi (232,5 milyon manat) ölkədə qeyri-neft sektorunun inkişafına, 7 faizi (30,2 milyon manat) qeyri-neft sənayesinə, 46,2 faiz (199,5 milyon manat) neft sektoruna yönəldilib. İqtisadiyyatın qeyri-neft sektorunda investisiya artımı 28,9 faiz təşkil edib.
İnvestisiyaların 53,2 faizi sənaye sahəsi, 2,1 faizi kənd təsərrüfatı və balıqçılığın, 0,1 faizi ticarət, 24,4 faizi nəqliyyat və anbar təsərrüfatı, 1,8 faizi rabitə, 0,4 faizi səhiyyə, 1,3 faizi təhsil, 10,3 faizi daşınmaz əmlak üzrə əməliyyatların (onların 9,6 faizi mənzil təsərrüfatının payına düşür), 3,2 faizi istirahət, əyləncə və incəsənətin, 0,9 faizi dövlət idarəçiliyi, 0,5 faizi maliyyə və sığorta fəaliyyəti, 2,4 faizi mənzilin təşkilinin, 0,2 faizi inzibati və yardımçı xidmətlərin, 0,3 faizi isə digər sahələrin payına düşür.
Maliyyələşdirilməsi dövlət hesabına həyata keçirilən obyektlərin tikintisinə 108,6 milyon manat investisiya yatırılıb.
Müəssisə və təşkilatların vəsaitləri hesabına əsas kapitala 250,7 milyon manat (investisiyaların ümumi həcmindən 58 faiz), bank kreditlərindən 46,8 milyon manat (10,8 faiz), büdcə vəsaitlərindən 113,3 milyon manat (26,2 faiz), büdcədənkənar fondların vəsaitlərindən 7,5 milyon manat (1,8 faiz), əhalinin şəxsi vəsaitlərindən 13,7 milyon manat (3,2 faiz) sərmayə qoyulub.
Fevralın 14-nə olan rəsmi məzənnə 0,7954 AZN/USD təşkil edir.
