Azərbaycan, Bakı, 30 mart /Trend, müxbir T.Cəfərov/
Xüsusi proqramlar həyata keçirməklə Azərbaycan və İran arasında əmtəə dövriyyəsini yaxın üç ildə 5 milyard dollara çatdırmağı qarşımıza məqsəd qoymuşuq. Trend-in məlumatına görə, bu barədə İranın Azərbaycandakı səfri Məhəmməd Bağır Bəhrami Tehranda IRNA xəbər agentliyinə bildirib.
"Bu planın həyata keçirilməsi iki ölkə rəsmilərinin müxtəlif görüşlərində geniş müzakirə edilir", - diplomat bildirib.
Azərbaycan statistikasına əsasən, 2010-cu ilin yekunları üzrə Azərbaycan və İran arasında xarici əmtəə dövriyyəsi 243,219 milyon dollar təşkil edib. Bununla yanaşı, ixrac əməliyyatları 124,98 milyon dollar təşkil edib, idxalın payına 118,24 milyon dollar düşür. İrandan Azərbaycana əsasən alma, kartof, sement və geyim idxal olunur, Azərbaycandan qonşu ölkəyə isə tikinti materialları, maşın yağları, dəmir və polad ixrac edilir.
