Azərbaycan, Bakı, 31 mart /Trend, müxbir N.İsmayılova/
Audit hesabatına əsasən, 2010-cu ilin yekunları üzrə "Azərbaycan Kredit Bankı" AC-nin aktivləri 23,76 milyon manat təşkil edərək dördüncü rüb ərzində 0,5 faiz azalıb. Bu barədə bankın cümə axşamı yaydığı məlumatda deyilir.
Bankın müştərilərə kreditləri 21,63 milyon manat olub. Bankın məcmu öhdəlikləri 15,89 milyon manat təşkil edərək 2,6 faiz azalıb. Bankda kredit hesabları 6,9 milyon manat, banklara verilən vəsaitlər isə 8,88 milyon manat təşkil edib.
İlin sonuna bankın nizamnamə kapitalı 7,87 milyon manat təşkil edib. Bankın xalis faiz gəlirləri 2,73 milyon manat, faizsiz xalis gəlirləri 88,4 min manat təşkil edib. Bankın xalis gəliri 3,73 milyon manat təşkil edib.
Azərbaycan Kredit Bankı öz fəaliyyətinə 2005-ci ildə başlayıb. Bank Azərbaycan Bank Assosiasiyaları, Azərbaycan İpoetka Fondunun üzvü, eləcə də Bakı Fond Birjasının, SWIFT-in fəal iştirakçısıdır. 2007-ci il avqustun 10-dan bank Azərbaycan Əmanətlərin Sığortalanamsı Fondunun (ADIF) üzvüdür.
Martın 31-nə olan rəsmi məzənnə 0,7927 AZN/USD təşkil edir.