Azərbaycan, Bakı, 1 aprel /Trend, müxbir E.İsmayılov/
Aprel ayından etibarən "Hyundai Motor"un Sankt-Peterburqdakı zavodu bir neçə MDB ölkəsinə "Hyundai Accent" markalı avtomobillərin ixracına başlayır. Bu barədə şirkətin cümə günü yaydığı məlumatda deyilir.
"Hyundai Motor Manufacturing Rus" LLC avtomobilləri Ukrayna, Azərbaycan, Qazaxıstan, Belarus, Özbəkistan, Moldova, Ermənistan və Qırğızıstan daxil olmaqla, bir neçə qonşu ölkəyə tədarük edəcək.
"Şirkət 2011-ci ildə 8000-dək avtomobil ixrac etməyi planlaşdırır", - məlumatda deyilir.
Rusiyadan avtomobillərin ixracına başlanması "Hyundai" şirkətinin işinin yalnız bir istiqamətidir. Digər iki sitiqamət Sankt-Peterburq zavodunun ixrac bazarlarının tədricən genişləndirilməsidir. Zavodun istehsal gücünün ildə əvvəllər elan edilmiş 150 min ədədə nisnətdə 200 minədək artırılması da planlaşdırılır.
"Hyundai Motor" Sankt-Peterburqdakı zavodunda kompakt sedanın silsilə istehsalına 2011-ci ilin yanvarında başlayıb.