Azərbaycan, Bakı, 29 aprel /Trend, müxbir E.İsmayılov/
Mayda "Azərbaycan Hava Yolları" QSC say etibarilə altıncı "Airbus-320" markalı təyyarə almağı planlaşdırır. Trend-in məlumatına görə, bu barədə cümə günü QSC-nin mətbuat xidmətinin rəhbəri Məhərrəm Səfərli deyib.
"Mayda say etibarilə altıncı təyyarə gələcək", - Səfərli bildirib.
Buna qədər şirkətin 4 "Airbus-320" və 2 "Airbus-319" alacağı nəzərdə tutulmuşdusa, nəticədə bütün təyyarələrin "Airbus-320" markalı olacağı barədə qərar qəbul edildi. Xüsusilə də sifarişə yenidən baxılmanın əsas səbəblərindən biri bu texnikanın tutumu məsələsidir.
Təyyarələr QSC tərəfindən Avropanın aparıcı aviaşirkətlərinin krediti əsasında alınır. Bütün təyyarələr 2007-ci ildə istehsal olunub və artıq istifadə edilib.
Səfərlinin sözlərinə görə, tezliklə QSC "Boeing-767" markalı yeni müasir təyyarə də almalıdır.
"Mayın sonunda, iyunun əvvəlində yeni təyyarənin alınacağı gözlənilir", - Səfərli vurğulayıb.
