Azərbaycan, Bakı, 10 may /Trend, müxbir N.İsmayılova/
Azərbaycan bankı "DəmirBank" SAP həllərin tətbiqini 2012-ci ilin sonuna başa çatdıracaq. Bu barədə çərşənbə axşamı Trend-ə bankın idarə heyətinin sədri Roman Əmircanov deyib.
"2012-ci ilin sonuna bu işin yekunlarını keçirməyi planlaşdırırıq, lakin bir sıra modullar qismən və ya tam şəkildə artıq işə salınıb. Onlar arasında maliyyə modulu, əsas fondlar modulu və qismən HR var", - Əmircanov bildirib.
Onun sözlərinə görə, 2012-ci ilin martına həllər artıq istismara veriləcək, gələn ilin sonuna isə analitik hissə də işə salınacaq.
"Bu, bankda bir sıra proseslərin avtomatlaşdırılmasına və optimallaşdırılmasına imkan verəcək ki, bu da əməliyyatların aparılmasına çəkilən xərclərin xeyli ucuzlaşmasına, eləcə də bir sıra texniki səhvlərin tam aradan qaldırılmasına kömək edəcək", - o bildirib.
Ölkənin ilk banklarından olan "DəmirBank" (əvvəlki adı "Azərdəmiryolbank") 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Niderland İnkişaf Maliyyə Şirkəti (FMO) daxildir.
