...

Azərbaycan iqtisadiyyatına qoyulan birbaşa investisiyaların 85 faizi neft-qaz sektorunun payına düşür

Biznes və iqtisadiyyat xəbərləri Materials 14 İyun 2011 14:59 (UTC +04:00)

Trend-i buradan izləyin

Azərbaycan, Bakı, 14 iyun /Trend, müxbir N.İsmayılova/

2011-ci ilin birinci rübü ərzində Azərbaycan iqtisadiyyatına cəlb olunmuş xarici kapitalın ümumi həcmi ötən ilin analoji dövrü ilə müqayisədə 8,7 faiz azalaraq 1,7 milyard dollar təşkil edib. Bu barədə çərşənbə axşamı Azərbaycan Mərkəzi Bankının yaydığı ödəniş balansında məlumat verilir.

İqtisadiyyata birbaşa investisiyaların ümumi həcmi 819,9 milyon dollar təşkil edib. Bu investisiyaların strukturunda neft-qaz sektorunun xüsusi çəkisi 84,9 faiz olub. Bu investisiyalar iri neft-qaz layihələrinin, əsasən BP Exploration Ltd. (Şahdəniz layihəsi) və Azərbaycan Beynəlxalq Əməliyyat Şirkətinin "Azəri-Çıraq-Günəşli" yataqlar blokunda gördüyü işlərin maliyyələşdirilməsi ilə əlaqədar istifadə olunub.

AMB-nin qiymətləndirməsinə əsasən, qeyri-neft sektoruna cəlb olunan birbaşa investisiyaların həcmi 123,7 milyon dollar - ölkəyə cəlb olunmuş birbaşa xarici investisiyaların ümumi həcminin 15,1 faizini təşkil edir.

Xəbər lenti

Xəbər lenti