Azərbaycan, Bakı, 18 iyun /Trend, müxbir A.Axundov/
Azərbaycana idxal edilən gübrənin həcmi tələbatın 10 faizini belə ödəmir. Bu barədə dünən kənd təsərrüfatı naziri İsmət Abasov deyib.
"Aqrolizinq" Dövlət Lizinq Şirkəti Azərbaycana gübrə gətirir və onları fermerlərə güzəştli şərtlərlə satır, lakin Azərbaycana idxal edilən gübrənin həcmi tələbatın 10 faizini belə ödəmir", - Abasov qeyd edib.
Onun sözlərinə görə, Azərbaycanın fermer və sahibkarları ölkəyə gübrə idxalında daha fəal olmalıdırlar.
"Bu gübrələri tətbiq etməklə istehsalın həcmini xeyli artırmaq olar", - Abasov qeyd edib.
Ötən il "Aqrolizinq" şirkəti ölkəyə 12 milyon manat məbləğində 43,51 min ton mineral gübrənin tədarükü üzrə müqavilələr bağlayıb. 2010-cu ildə ASC ölkənin kənd təsərrüfatını 40 min ton ammoniya nitratı, 2 min ton nitroammofosk, 1000 ton ammosfer, 512 ton kali gübrələri, 7400 kiloqram pestisidlə təmin edib.
Azərbaycanın aqrar sektorunun mineral gübrələrə olan tələbatı ildə 600-800 min tondur.
İyunun 18-nə olan rəsmi məzənnə 0,7878 AZN/USD təşkil edir.
