Azərbaycan, Bakı, 9 iyul /Trend, müxbir S.Əliyev/
Azərbaycanın "Silk Way" şirkəti iyulun 5-dən 6-na keçən gecə Əfqanıstanda qəzaya uğramış yük təyyarəsinin həlak olan ekipaj üzvlərinin ailələrinə kompensasiya ödəniləcəyini bəyan edib.
"Silk Way" QSC-nin prezidenti Zaur Axundov şənbə günü mətbuat konfransında bəyan edib ki, həlak olanların hər birinin ailəsinə 100 min manat kompensasiya ödəniləcək. hava gəmisində 9 ekipaj üzvü olub.
Onun sözlərinə görə, 2010-cu ildə "Silk Way" Əfqanıstana 1700 reys həyata keçirib. Son vaxtlaradək şirkət sutkada 5 reys həyata keçirib.
"Hazırda reyslərin həyata keçirilməsi araşdırılmaya qədər dayandırılıb", - Axundov deyib.
Bu gün "Silk Way" şirkətinin İL-76 4K-AZ55 təyyarəsinin Əfqanıstanda qəzaya uğrama səbəblərini araşdıran Azərbaycan komissiyası hava gəmisinin bortunda olan bütün ekipaj üzvlərinin "böyük ehtimalla" həlak olduğunu bildiriblər.
Bakı-Baqram marşrutu ilə hərəkət edən və saat 21:26-da (yerli vaxtla) havaya qalxan təyyarənin göyərtəsində Heydər Əliyev beynəlxalq hava limanından qəbul etdiyi 18 ton yük olub.
Yük tutumu 40 ton olan təyyarə 2005-ci ildə tikilib və 2011-ci ilin fevralında tam texniki baxışdan keçib. 2011-ci ilin iyununda o, növbəti texniki baxışdan keçib.