Azərbaycan, Bakı, 16 iyul /Trend/
Yanvar-may aylarında Azərbaycana 744,7 min ton sement və sement klinkeri idxal edilib ki, bu da ötən ilin analoji dövr göstəricisindən 34,6 faiz çoxdur. Trend-in məlumatına görə, bu barədə şənbə günü Dövlət Statistika Komitəsinin məlumatında deyilir.
Yanvar-mayda 35 milyon dollar məbləğində sement və sement klinkeri idxal olunub ki, bu da 2010-cu ilin müvafiq dövr göstəricisindən 33,5 faiz çoxdur.
Yanvar-mayda 294,2 min ton sement klinkeri idxal edilib ki, bu da ötən ilin analoji dövr göstəricisindən 27,2 faiz çoxdur. 12,92 milyon dollara yaxın isə klinker idxal edilib. Bu, 2010-cu ilin analoji dövr göstəricisindən 14 faiz çoxdur.
Yanvar-may ayları ərzində ölkəyə 450,5 min ton sement idxal edilib ki, bu da ötən ilin analoji dövr göstəricisindən 38,9 faiz çoxdur. Bu dövr ərzində 22,1 milyon dəyərində sement gətirilib ki, bu da 2010-cu ilin yanvar-mayında qeydə alınan göstəricidən 48,4 faiz çoxdur.
Yanvar-iyunda Azərbaycanda 682,4 min ton sement istehsal edilib. Bu, ötən ilin analoji dövr göstəricisindən 15,9 faiz çoxdur.
