...

İyunda Bakının avtomobil bazarında təklifin azalması müşahidə olunub

Biznes və iqtisadiyyat xəbərləri Materials 30 İyul 2011 15:32 (UTC +04:00)

Trend-i buradan izləyin

Azərbaycan, Bakı, 30 iyul /Trend, müxbir İ.Xəlilova/

İyunda Bakının avtomobil bazarında təklif 1,2 faiz azalıb. Bu barədə "Əmlak Bazarı İştirakçıları" İctimai Birliyin in (İB) məlumat ında deyilir.

Məlumata əsasənən, avtomobil bazarında təklifin azalmasına baxmayaraq, tələbi üstələmə tendensiyası hələ də davam etməkdədir. Ay ərzində qiymətlərdə ciddi dəyişiklik baş verməyib. İyun ayı üçün orta qiymət əvvəlki ayla eyni olub və 15115 dollar təşkil edib.

"Bazarda əvvəlki ayda baş vermiş nisbi aktivliyin davam etməsi iyun ayında avtomobillərin ekspozisiya müddətinin bir qədər azalamsına səbəb olub. İyunda təkrar avtomobil bazarında avtomobillərin ekspozisiya müddəti 2,4 faiz azalaraq 48 günə enib", - təşkilatın ekspertləri hesab edirlər.

İyun ərzində təşkilat təkrar avtomobil bazarında araşdırma predmeti olan 10 200 avtomobildən artıq avtomobilin 23,6 faizi bazara məhz iyunda təklif olunub. Digər 76,4 faizi isə əvvəlki aylardan qalan avtomobillərdir. Bu isə bir ildə idxalın azalması ilə yanaşı, alıcılıq qabiliyyətinin aşağı düşməsi və tələbin kəskin azalması ilə əlaqədardır.

Uzun illərdir ki, təkrar bazarda liderliyini böyük fərqlə əldə saxlayan "Mercedes" markalı avtomobillərin təklif üzrə payında may ayı ilə müqayisədə 1,0 faiz artım müşühidə edilib, bu markanın ümumi portfeldə payı 30,3 faiz təşkil edib. Bazar portfelində avtomobillərin 9 markasının payına 86,7 faiz düşür, qalan 13,3 faiz isə 20-dən artıq şirkətin istehsalı olan 80-dən artıq avtomarka arasında bölünür.

Son ay ərzində bazarı formalaşdıran avtomobillərin bütün markaları üzrə təklifin azalması müşahidə olunub. Ən çox azalma (10,5 faiz) "Hyundai" avtomobillərində olub.

Ekspertlər hesab edirlər ki, ili köhnə avtomobillərin hələ də bazarda yüksək paya sahib olmasına baxmayaraq, yaxın gələcəkdə bazarda üstünlük 2003-cü ildən sonra istehsal olunan avtomobillərə keçəcək.

Monitorinq qrupunun araşdırmaları 1990-2011-ci illəri əhatə edib.

"Son aylar "Ofrouder" tipli avtomobillərə maraq artıb. Buna baxmayaraq, Rusiya istehsalı olan avtomobillərə marağın artıdığı və alıcılıq qabiliyyətinin əsasən qiyməti ucuz olan avtomobillər ətrafında formalaşma tendensiyası müşahidə olunub". Lakin ekspertlər hesab edirlər ki, tədricən bazarın yenilənməsi yaxın 1-2 ildə "Ofrouder"lərin sayının artımı ilə nəticələnəcək.

Xəbər lenti

Xəbər lenti