Azərbaycan, Bakı, 6 sentyabr /Trend, müxbir N.İsmayılova/
Azərbaycanda qiymətli kağızlar bazarının peşəkar iştirakçılarının sayı 2010-cu ilin birinci yarısındakı 39-dan 2011-ci ilin birinci yarısının yekunları üzrə 35-dək azalıb. Bu barədə bazar ertəsi Qiymətli Kağızlar üzrə Dövlət Komitəsinin ilin birinci yarısının yekunları üzrə hesabatında deyilir.
Bu gün bazarda fəaliyyət göstərən peşəkar iştirakçılardan 13-nə broker fəaliyyətinə görə, 12-nə diler, 2-nə reyestrsaxlayıcı, 3-nə idarəetmə, 1-nə klirinq fəaliyyətinə, 3-nə depozit fəaliyyətinə görə lisenziya verilib.
Hesabat dövrü ərzində diler fəaliyyətinin aparılması üzrə bir lisenziya yenilənib, broker, diler və qiymətli kağızların idarə oluması fəaliyyətinin aparılması üzrə bir lisenziya dayandırılıb.
