...

Azərbaycanda pensiyaların verilməsi üçün ilin sonunadək bankların sayı artırılacaq - DSMF sədri

Biznes və iqtisadiyyat xəbərləri Materials 7 Oktyabr 2011 17:16

Trend-i buradan izləyin

Azərbaycan, Bakı, 7 oktyabr /Trend, müxbir N.İsmayılova/

2011-ci ilin sonunadəkAzərbaycanın Dövlət Sosial Müdafiə Fondu (DSMF) sosial müavinət və pensiya verilməsi üzrə müvəkkil bankların sayını artıracaq. Trend-in məlumatına görə, bu barədə cümə günü jurnalistlərə Dövlət Fondunun sədri Səlim Müslümov bildirib.

Onun sözlərinə görə, tenderin yekunları ilin sonuna qədər açıqlanacaq.

Hazırda ölkədə sosial müavinət və pensiyaların verilməsi iki bank - Kapital Bank və Azərbaycan Beynəlxalq Bankı (ABB) tərəfindən həyata keçirilir.

"Əvvəllər yalnız iki bank hazır idi və bizim tələblərə cavab verib, amma yəqin ki, hazırda artıq bu xidmətlərin göstərilməsinə daha çox bank hazırdır. Biz müvəkkil bankların sayının daha da artmasında maraqlıyıq, çünki bazarda rəqabət artır və bank xidmətlərinə görə tariflər ucuzlaşır", - Müslümov deyib.

Müslümovun sözlərinə görə, Fond tərəfindən bir müddət əvvəl hərbçilərə plastik kartlar vasitəsilə təqaüdlərin verilməsinin avtomatlaşdırılması üzrə tender keçirilib və alınan yekunlara görə yaxşı nəticələr əldə olunub.

"Belə ki, əgər əvvəl bu sahədə plastik kart xidmətlərinin illik haqqı 4,5 dollar təşkil edirdisə, artıq indi 3,1-3,2 dollara qədər ucuzlaşıb. Müvafiq olaraq, mən düşünürəm ki, analoji proses digər pensiyaçılara göstərilən xidmətlərdə də müşahidə olunacaq", - o bildirib.

Pensiyaçaların bank xidmətləri üzrə xərclər DSMF tərəfindən ödənilir.

Müslümovun sözlərinə görə, tender bir neçə lot üzrə keçiriləcək. Sonuncu tender Bakı üzrə bir, rayonlar üzrə isə yeddi lot üzrə keçirilib. Bakı və ölkənin üç rayonu üzrə lotda Azərbaycan Beynəlxalq Bankı, digər dörd lot üzrə isə Kapital Bank qalib gəlib.

"Yeni tenderdə lotların sayı artıq olacaq, üstünlük daha ucuz qiymətlər təklif edən, səlahiyyətlərində bankomat infrastukturu və prossesinq şirkəti olan banklara veriləcək", - Müslümov bildirib.

Onun sözlərinə görə, Bakı üzrə lotların sayını ən azı daha üçədək artırmaq planlaşdırılır, bundan əlavə, ölkə üzrə də lotların sayı artırılacaq. Tender təkliflərinin qiymətləndirilməsində DSMF ilə yanaşı, Maliyyə və İqtisadi İnkişaf nazirliklərinin təmsilçiləri də daha ədalətli qərar qəbul etmək məqsədilə iştirak edəcək.

"Dövriyyədə olan kartların istifadə müddəti 2012-ci il aprelin 1-nə başa çatır. Bu müddətin başa çatmasına kimi biz tender keçirməli və yeni plastik kartlar sifariş etməliyik. Bu o deməkdir ki, bankların kartları hazırlanması və paylanmasını çatdıra bilməsi üçün tender ilin sonuna qədər keçirilməlidir", - o bildirib.

Xəbər lenti

Xəbər lenti