...

Bakı Fond Birjası "mavi fişkaların" birja listinqinə gətirilməsini hədəfləyib

Biznes və iqtisadiyyat xəbərləri Materials 11 Noyabr 2011 12:09 (UTC +04:00)
Bakı Fond Birjasında (BFB) ədalətli qiymətin formalaşdırılması və yeni şirkətlərin birja listinqinə gətirilməsi ilə "mavi fişkaların" müəyyən edilməsi istiqamətində birgə işçi qrup yaradılacaq.
Bakı Fond Birjası "mavi fişkaların" birja listinqinə gətirilməsini hədəfləyib

Trend-i buradan izləyin

Azərbaycan, Bakı, 11 noyabr / Trend /

Bakı Fond Birjasında (BFB) ədalətli qiymətin formalaşdırılması və yeni şirkətlərin birja listinqinə gətirilməsi ilə "mavi fişkaların" müəyyən edilməsi istiqamətində birgə işçi qrup yaradılacaq. Trend-in məlumatına görə, bu barədə birjanını cümə günü yaydığı məlumatda deyilir.

"Belə qərar birja rəhbərliyi və qiymətli kağızlar bazarında fəaliyyət göstərən broker təşkilatlarının nümayəndələri ilə növbəti görüşdə qəbul edilib", - məlumatda deyilir.

Görüş noyabrın 4-də keçirilib. Görüşün əsas müzakirə mövzusu yerli fond bazarında ədalətli qiymətin formalaşdırılması olub. Həmçinin görüşdə birja üzvləri tərəfindən birjadankənar keçirilən əqdlər barədə məlumatların açıqlanması və səhmləri BFB-nin qeyri-kotirovka vərəqəsinə daxil edilmiş səhmdar cəmiyyətlərin hesabatlarının birjanın rəsmi veb-səhifəsində açıqlanmasına dair təkliflər səsləndirilib.

Görüş Standard Capital, Texnika Kapital Menecment, Çelsi Kapital, YapıKredi İnvest və Caspian Financial broker təşkilatlarının iştirakı ilə keçirilib.

Xəbər lenti

Xəbər lenti