Azərbaycan, Bakı, 17 noyabr /Trend, müxbir A.Axundov/
Azərbaycan Maliyyə Nazirliyi ARDNŞ-nin timsalında dövlət strukturlarına öz qeyri-profilli aktivlərini müvafiq qurumlara verməyi tövsiyə edir. Trend-in məlumatına görə, bu barədə maliyyə naziri Samir Şərifov Parlamentin Mədəniyyət, Elm və təhsil, Hüquq siyasəti və dövlət quruculuğu, Regional məsələlər, Beynəlxalq münasibətlər və parlamentlərarası əlaqələr komitələrinin 2012-ci ilin dövlət büdcəsinin müzakirəsinə həsr olunmuş iclasında deyib.
"Hesab edirəm ki, ARDNŞ-nin onun balansında olan tibb müəssisələrini Səhiyyə Nazirliyinə verməsi ilə bağlı qərarı vacib və düzgün addımdır", - Şərifov bildirib.
ARDNŞ prezidenti Rövnəq Abdullayev şirkətin qeyri-profilli aktivlərdən imtinasını "maraqlar münaqişəsi yaratmaq" istəyinin olmaması və "Dövlət Neft Şirkətinin işçilərinin sığorta şirkətlərində sərbəst sığorta olunması və ölkənin tibb müəssisələrində xidmət göstərilməsi" ilə izah edib.