...

Bakının mənzil bazarında fəallıq azalıb

Biznes və iqtisadiyyat xəbərləri Materials 5 Dekabr 2011 14:47 (UTC +04:00)

Azərbaycan, Bakı, 5 dekabr /Trend müxbir A.Axundov/

Ötən illərdə olduğu kimi 2011-ci ilin payız aylarında mənzil bazarında nisbi sakitçilik müşahidə edilib. Bu barədə bazar ertəsi Trend-ə "MBA Group" konsaltinq şirkətinin baş direktoru Nüsrət İbrahimov məlumat verib.

Onun sözlərinə görə, son iki ayda qiymətlər 1,7 faiz artaraq 761 dollardan 774 dollara çatıb, əməliyyatların sayı isə 277 dollardan 271 dollara qədər azalıb.

"Əgər 2010-cu ilin oktyabrında bir mənzilin orta aylıq qiyməti 670 dollar və ya bir kvadratmetrə görə 12,4 dollar təşkil edirdisə, ilin əvvəlində bu rəqəm müvafiq olaraq, 711 dollar və 9,7 dollar olub. 2011-ci ilin oktyabrın sonunda isə o, 674 dollar və ya 1 kvadratmetrə görə 13,8 dollar təşkil edib", - İbrahimov bildirib.

Şəhərin birinci zonasında oktyabrda mənzilin orta aylıq kirayə haqqı 989 dollar, ikinci zonasında 625 dollar, üçüncü zonasında 354 dollar, dördüncü zonasında isə 221 dollar təşkil edib.

Son ildə bazarda bir kvadratmetrin orta kirayə haqqı 13,8 dollar olub ki, bu da kommersiya obyektlərinin kirayə haqqı göstəricisindən (ayda 20,5 dollar) təxminən iki dəfə aşağıdır.

Oktyabrda dördotaqlı mənzilin orta kirayə haqqı 1438 dollar, üçotaqlı mənzil 773 dollar, ikiotaqlı mənzil 648 dollar, birotaqlı mənzil isə 410 dollar təşkil edib.

"Xarici iş adamları Azərbaycanda kirayə mənzil bazarını tərk edərək artıq öz mənzillərini əldə ediblər. Mənzil bazarında ucuz və orta mənzillərə tələbat yüksək olaraq qalır" , - İbrahimov deyib.

Xəbər lenti

Xəbər lenti