Azərbaycan, Bakı, 8 dekabr /Trend, müxbir E.İsmayılov/
Azərbaycan Nəqliyyat Nazirliyi gələn il Bakının avtobus parkının yenilənməsi üzrə işləri aktivləşdirəcək. Bu barədə cümə axşamı Trend-ə Nəqliyyat Nazirliyindəki mənbə deyib.
Onun sözlərinə görə, parkın yenilənməsi üzrə işlər daimi əsasda aparılır, lakin gələn il bu işlər daha da aktivləşdiriləcək.
"Bakıda avtobus marşrutlarının optimallaşdırılması həyata keçirilib, həmçinin, mövcud marşrutların sayına uyğun avtobusların nömrələnməsi üzrə işlər görülüb. Gələn il avtobus parkının yenilənməsi üzrə xeyli işlər görüləcək", - mənbə qeyd edib.
Azərbaycan Dövlərt Statistika Komitəsinin məlumatına görə, yanvar-sentyabrda respublikaya 429 ədəd avtobus idxal edilib ki, bu da ötən ilin analoji dövrü ilə müqayisədə 35,4 faiz azdır. Bu dövrdə 16,9 milyon manat dəyərində avtobus idxal edilib ki, bu da 2010-cu ilin eyni dövrünə nisbətən 49,9 faiz azdır.
