Azərbaycan, Bakı, 26 dekabr /Trend/
Standartlaşdırma, Metrologiya və Patent üzrə Dövlət Komitəsinin 1 saylı Ərazi Dövlət Nəzarəti İdarəsi tərəfindən Bakı şəhəri, Yasamal rayonu, A.Abbasov küçəsi, 9 ünvanında fəaliyyət göstərən fiziki şəxs Eldar Yaqubova məxsus müəssisədə dövlət nəzarəti həyata keçirilib.
Komitədən bazar ertəsi Trend-ə verilən məlumata görə, araşdırma zamanı müəssisədə texnoloji sənədlər, o cümlədən uyğunluq sertifikatı olmadan çovdar unundan hazırlanan çörəklərin istehsalı, hazır məhsulların sınağının aparılmadığı, istifadə olunan ölçmə vasitələrinin müqayisəli dövlət yoxlanışından keçmədiyi, o cümlədən məhsulların müvafiq keyfiyyətdə sabit istehsalına şəraitin olmadığı müəyyən olunub.
Aşkar olunmuş qanun pozuntuları ilə bağlı müəssisədə məhsul istehsalı qadağan edilib.