Azərbaycan, Bakı, 5 yanvar /Trend, müxbir E.İsmayılov/
Martda Bakı Metropoliteni 2012-ci ildə metronun ehtiyaclarını təmin etmək üçün alınacaq yeni vaqonların sayını müəyyən edəcək. Bu barədə cümə axşamı Trend-ə Bakı Metropoliteninin baş mühəndisi Elburus Muradov bildirib.
Onun sözlərinə görə, yazda habelə yeni vaqonların alınacağı tarix də müəyyən ediləcək.
"Yeni vaqonların alınması ilə bağlı bütün məsələlər bu ilin martında dövlət büdcəsindən maliyyələnin ayrılmasından sonra həll olunacaq", - Muradov deyib.
Bir müddət əvvəl Bakı Metropoliteninin rəisi Tağı Əhmədovun dediyi kimi, Bakı Metropoliteni 2012-ci ilin sonuna qədər Memar Əcəmi-Avtovağzal yeni xəttində istifadəsi planlaşdırılan yeni vaqonlar alacaq. Yeni vaqonların Mıtişinski vaqonqayırma zavodundan alınması planlaşdırılır. Bu, modernləşdirilmiş, həcmli və kondisionerlərlə təchiz edilmiş vaqonlar olacaq. Vaqonları digər xətlər üçün də istifadə etmək mümkün olacaq. Belə ki, yeni tikilən xətlərdə çəkilməsi planlaşdırılan dəmiryol indikinə uyğun gələcək.
Yeni stansiyalar -"Memar Əcəmi-2" və "Avtovağzal"ın 2013-cü ilin sonuna qədər istismara verilməsi planlaşdırılır.
Bakı Metropoliteni 1967-ci ildən fəaliyyət göstərir və hazırda 23 stansiyaya malikdir.
