Azərbaycan, Bakı, 7 yanvar /Trend, müxbir N.İsmayılova/
2011-ci ilin noyabrında Azərbaycan bankları kreditləşməni 0,8 faiz, ilin əvvəli ilə müqayisədə 7,5 faiz artırıblar. Bu barədə şənbə günü Azərbaycan Mərkəzi Bankının məlumatında deyilir.
Dekabrın əvvəlinə banklar tərəfindən 9 852,8 milyon manat (o cümlədən 6271,6 milyon manat milli valyutada və 3 581,1 milyon manat SKV-də) verilib. Bu göstərici noyabrın əvvəlinə 9 776,2 milyon manat (o cümlədən müvafiq olaraq 6 150,2milyon manat və 3 298,1 milyon manat) və 2011-ci il yanvarın 1-nə 9 163,4 milyon manat (o cümlədən müvafiq olaraq 5 865,3 milyon manat və 3 298,1 milyon manat) olub.
Borcların və ssudaların 636,7 milyon manatlıq ümumi portfelindən noyabrın 1-nə 626,5 milyon manat, 2011-ci il yanvarın 1-nə 492,9 milyon manatının vaxtı ötüb. Vaxtı ötən kreditlərin statistikası bank olmayan kredit təşkilatı "Aqrarkredit"in analojı borclarını nəzərə almır.
Dekabrın əvvəlinə olan məlumata görə, qısamüddətli kreditlər 3093,9 milyon manat (326,4 milyon manatlıq vaxtı ötmüş ssudalar da daxil olmaqla) təşkil edib. Bu göstərici noyabrın 1-də 3103,4 milyon manat(317,5 milyon manta vaxtı ötmüş ssuda), ötən il yanvarın 1-nə 2 567,1 milyon manat (239,2 milyon manat) olub.
Noyabr ərzində iqtisadiyyatda qısamüddətli kreditlərin həcmi 0,3 faiz, 2011-ci ilin əvvəlinə nisbətdə isə 20,5 faiz artıb. Noyabrın sonuna olan məlumata görə isə, qısamüddətli kreditlərin 36,5 faizi və vaxtı ötmüş kreditlərin 26,2 faizi SKV-nin payına düşüb.
Noyabrın 1-nə uzunmüddətli kreditləşmə 6 672,7 milyon manata qarşı 6 758,9 milyon (vaxtı ötmüş ssudaların 310,3 milyon manatı daxil olmaqla), 2011-ci il yanvarın 1-nə 6 596,3 milyon manat (235,3 milyon manat) təşkil edib.
Noyabr ərzində uzunmüddətli kreditləşmənin həcmi 1,3 faiz, 2011-ci ilin əvvəlinə 2,5 faiz artıb. Noyabrın sonuna olan məlumata görə, uzunmüddətli kreditlərin 36,3 faizi və vaxtı ötmüş kreditlərin 28,8 faizi SKV-nin payına düşür.
Mərkəzi Bankın məlumatında deyildiyinə görə, dekabrın əvvəlinə ölkənin (Azərbaycan Beynəlxalq Bankı tərəfindən) yeganə dövlət bankı tərəfindən 33,2 faiz xüsusi çəki ilə 3272,3 milyon manat, özəl banklar tərəfindən - 64,2 faiz xüsusi çəki ilə 6 329 milyon manat kredit verilib. Qalan 2,6 faiz bank olmayan kredit təşkilatlarının payına düşür. Onlar tərəfindən 251,5 milyon manat kredit verilib.
Azərbaycanda 44 bank fəaliyyət göstərir.
Yanvarın 7-nə rəsmi məzənnə 0,7864 AZN/USD təşkil edir.
