...

Azərbaycan Dövlət Neft Fondu yeni ofisin tikintisi ilə bağlı müqavilə bağlayıb

Biznes və iqtisadiyyat xəbərləri Materials 11 Yanvar 2012 19:00 (UTC +04:00)
Azərbaycan Respublikası Dövlət Neft Fondu (ARDNF) "A" sinifli yeni ofisin tikintisi üzrə Belçikanın "N.V. Besix S.A." şirkəti ilə müqavilə bağlayıb.
Azərbaycan Dövlət Neft Fondu yeni ofisin tikintisi ilə bağlı müqavilə bağlayıb

Azərbaycan, Bakı, 11 yanvar /Trend, müxbir N.İsmayılova/

Azərbaycan Respublikası Dövlət Neft Fondu (ARDNF) "A" sinifli yeni ofisin tikintisi üzrə Belçikanın "N.V. Besix S.A." şirkəti ilə müqavilə bağlayıb. Trend-in məlumatına görə, bu barədə çərşənbə günü Fondun məlumatında deyilir.

"84,916 milyon avro dəyərində olan müqavilə ötən il dekabrın 20-də Azərbaycan qanunvericiliyinin tələblərinə uyğun olaraq bağlanıb", - məlumatda bildirilir.

"N.V. Besix S.A." 1909-cu ildə Belçikada yaradılıb və BESIX Group-un törəmə şirkətidir.

BESIX Group Avropa, Şimali və Mərkəzi Afrika və Asiya ölkələrində bir çox irimiqyaslı layihələri həyata keçirib və hazırda 3 qitədə, 15 ölkədə 17000 işçi heyəti ilə fəaliyyət göstərir.

Xəbər lenti

Xəbər lenti