Azərbaycan, Bakı, 13 yanvar /Trend/
ARDNŞ-nin "Azərikimya" İstehsalat Birliyinin daha bir qrup gənc mütəxəssisi Türkiyənin İzmir şəhərinə ezam edilərək, regionun nüfuzlu neft-kimya şirkətlərindən olan "Petkim Petrokimya" Holdinqin müəssisələrində bir aylıq təcrübə mübadiləsini uğurla başa vurduqdan sonra ixtisaslarını təkmilləşdirdikləri barədə xüsusi sertifikatlarla geri dönmüşlər.
İB-dən Trend-ə verilən məlumata görə, daha geniş bilik və təcrübə əldə edərək doğma müəssisəyə qayıtmış gənc kimyaçılar müəssisənin rəhbərliyi və kollektiv tərəfindən səmimi qarşılanaraq, yenidən ümumi istehsalat nailiyyətlərinə öz töhfələrinii verməyə başlamışlar.
Birliyin Etilen-polietilen zavodunun müxtəlif istehsalat sahələrinin - qazayırma, piroliz qazının sıxılması və təmizlənməsi, polietilen və digər sexlərin ötən ilin ortalarında test imtahanları verərək, kimyaçı kimi fəaliyyətə başlamış gənc mütəxəssisləri "Petkim"də təcrübə müddəti ərzində istehsalatın avtomatlaşdırılması, avadanlığın metroloji təminatı, hazır məhsulun paketləmə-qablaşdırma proseslərinin iş prinsipi və idarə olunması, həmçinin istehsalatda əməyin mühafizəsi və təhlükəsizlik texnikası qaydaları üzrə təlim, təcrübə və tədris kurslarında uğurla iştirak etmiş, öz texniki bilik və bacarıqlarını, təcrübələrini daha da artırmışlar.
Kimya istehsalatına istedadlı gənc kadların cəlb edilməsinin, vaxtaşırı olaraq onların ixtisaslarının müasir tələblər səviyyəsində artırılmasının daim diqqətdə saxlanıldığı Birlikdə hələ ötən ildən başlayaraq "Petkim"lə təlim və təcrübə sahəsində sıx əlaqələr qurulmuşdür. Yeniləşmə və müasirləşmə tədbirlərinin günün tələbləri səviyyəsində qurulmasına çalışan "Azərikimya" rəhbərliyi Birliyin müəssisələrində texnoloji proseslərin təkmilləşdirilməsi, istehsal olunan məhsulun keyfiyyət və kəmiyyət göstəricilərinin yüksəldilməsi, avtomatlaşdırılmış idarəetmə sisteminin, buxar-generator kompleksində tətbiq olunan yeni üsulların və kimya sənayesinin son nailiyyətlərinin öyrənilməsi, əməyin mühafizəsi və təhlükəsizlik texnikası qaydalarına hər bir iş yerində ciddi əməl edilməsinə nail olunması məqsədilə artıq bir-neçə gənc mütəxəssislər qrupunun "Petkim Petrokimya" müəssisələrində aylıq təcrübə mübadiləsi keçməsinə nail olmuşlar.
Təqdirəlayiq haldir ki, ötən bir il ərzidə "Petkim"də təcrübə mübadiləsində və istehsalat kurslarında iştirak etmiş gənc mütəxəssislər bugünlər Birlik müəssisələrinin müasir texnoloji qurğu və avadanlıqlarının idarə olunmasında, istehsalatda işlərin daha səmərəli, texniki və ekoloji baxımdan daha təhlükəsiz qurulmasında fəal iştirak edirlər.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
