Azərbaycan, Bakı, 13 yanvar /Trend, müxbir E.Tariverdiyev, D.Xatınoğlu/
İran ilin (İranda il martın 21-dən başlayır) ilk doqquz ayı ərzində Azərbaycana ixracı 22 faiz artırıb. Trend-in məlumatına görə, bu barədə cümə günü İRNA agentliyi İranın Bakıdakı səfirliyinin əməkdaşı Fərəc Şahidiyə istinadən xəbər verib.
Məlumata görə, İrandan Azərbaycana qeyri-neft məhsullarının ixracı göstərilən dövr ərzində 337 milyon dollar təşkil edib ki, bu da İranın müsbət dövriyyə balansının 314 milyon dollar təşkil etdiyi ötən ilin analoji dövrü ilə müqayisədə 22 faizlik artımı göstərir.
İlinin sonunadək İranın Azərbaycana ixracının 450 milyon dollaradək artacağı gözlənilir.
İrandan Azərbaycana ixrac olunan əsas məhsullar bunlardır: sement, saxsı, şüşə, ərzaq və kənd təsərrüfatı məhsulları, kartof, pomidor, püstə, meyvə və şirələr, eləcə də yuyucu tozlar, şokolad, maşın yağları, neft-kimya və sənaye malları.
Azərbaycandan İrana əsasən ağac, dəmir, polad armaturlar idxal olunur.