Azərbaycan, Bakı, 25 yanvar /Trend, müxbir A.Axundov/
Ötən ilin dekabrında Bakının tikinti materialları bazarında qiymətlər noyabrla müqayisədə 0,47 faiz azalıb. Bu barədə çərşənbə günü Trend-ə "Əmlak Bazarı İştirakçıları" İctimai Birliyindən məlumat veriblər.
Ötən ilin noyabrında tikinti materiallarının ümumi həcmində yerli məhsulun payı 51,9 faiz təşkil edib.
Monitorinq 38 adda 88 növdə tikinti materialı üzrə aparılıb.
İlin əvvəlindən başlayan aktivlik və qiymət artımı noyabra qədər davam edib.
"Hətta 2011-ci ilin 3-cü rübünün qiymət indeksi 2008-ci ilin ən pik qiymətlərini ötüb. Belə bir tendensiyaya ölkədə tikinti işlərinin sürətlənməsi, əmlak bazarına yönəldilən investisiyaların həcminin çoxalması, yerli istehsalın artımı, alternativ tikinti materiallarının idxal məhsullarını sıxışdırması və mövsümi amillərlə bağlıdır", - məlumatda deyilir.
İlin sonuna doğru mövsümi amillər və bununla əlaqədar olaraq bazarda müşahidə edilən passivlik qiymətlərin sabit və nisbi azalmasına gətirib çıxarıb. Bununla yanaşı, ilin əvvəlindən tikinti materiallarının qiymətləri 15,7 faiz artıb.
"Bu, idxal məhsullarında qiymət artımı tendensiyası nəticəsində baş verib. Dekabrda 2011-ci ilin yanvar ayı ilə müqayisədə Rusiya istehsalı olan diktin qiyməti 17 faiz, DSP 38,8 faiz, DVP 25,9 faiz, armatur 16,7 faiz, dəmir boru 11,8 faiz, Ukraynadan idxal edilən dəmir təbəqə 14,3 faiz, sink təbəqə 19,0 faiz və s. artıb", - təşkilatdan bildiriblər.
Qiyməti azalan (faizlə) tikinti materiallarının cədvəli aşağıda göstərilib:
|
Mişar daşı |
-1,6 |
Şveller |
-2,5 |
|
Qum |
-12,8 |
Dəmir boru |
-2,0 |
|
Çınqıl |
-14,3 |
Sink təbəqə |
-0,5 |
|
Otsep |
-11,1 |
Asma tavan |
-2,9 |
|
Dikt |
-0,9 |
Şifer |
-1,0 |
|
DVP |
-6,4 |
Dam örtüyü |
-2,8 |
|
günyə |
-3,6 |
İzolyasiya |
-8,8 |
|
Laminat-parket |
-1,2 |
Digər tikinti materiallarının qiyməti sabit qalıb.
