Azərbaycan, Bakı, 1 fevral /Trend, müxbir A.Axundov/
Azərbaycan Sığortaçılar Assosiasiyası (ASA) yaxın vaxtlarda bu yaxınlarda yaradılmış "Royal Sığorta" sığorta şirkəti ilə onu öz sıralarına daxil etməklə bağlı danışıqlara başlayacaq. Bu barədə çərşənbə günü Trendə ASA-nın icraçı direktoru Azər Əliyev məlumat verib.
Azərbaycanda 29 sığorta və bir təkrarsığorta şirkəti fəaliyyət göstərir. Onlarının hamısı ASA-nın üzvləridir.
Ötən ilin sonlarında assosiasiya hazırda Ədliyyə Nazirliyində qeydiyyatdan keçən yeni nizamnaməsini təsdiqləyib. Yeni nizamnaməyə görə, indi sığorta brokerləri, agentliklər və bu və ya başqa sığorta fəaliyyəti göstərən təşkilatlar da assosiasiyanın üzvləri ola bilərlər.
"Hələlik belə təşkilatlar assosiasiyaya daxil deyillər", - Əliyev deyib.
2011-ci il dekabrın 28-də Maliyyə Nazirliyi yanında Dövlət Sığorta Nəzarəti Xidməti tərəfindən "Royal Sığorta" şirkətinə sığorta fəaliyyəti üzrə beş illik lisenziya verilib. "Royal Sığorta" 2011-ci il oktyabrın 11-də dövlət qeydiyyatından keçib. Sığorta şirkətinin təsisçiləri qismində beş fiziki şəxs çıxış edir.
