Azərbaycan, Bakı, 15 fevral /Trend, müxbir N.İsmayılova/
2012-ci il yanvarın 1-nə olan məlumata görə, Azərbaycan banklarının müştəri bazası 12 faiz (2 916 678 fiziki şəxs) artıb, 2010-cu ilin sonuna olan analoji göstərini 12,7 faiz, 2011-ci il noyabrın sonuna olan göstəricini isə 1,7 faiz üstələyir. Bu barədə çərşənbə günü Azərbaycan Mərkəzi Bankının (AMB) statistik hesabatında deyilir.
2010-cu ilin sonuna müştərilərin sayı 2 588 957, 2011-ci il noyabr ayının sonuna isə 2 868 688 şəxs təşkil edib.
2011-ci ilin yekunları üzrə 2 831 807 fiziki şəxs bankların müştəriləri olub ki, onların 53 175 nəfəri sahibkar olub. Bu kateqoriyadan olan müştərilərin artımı 2010-cu ilin sonuna nisbətən 13,5 faiz, 2011-ci ilin noyabrı ilə müqayisədə isə 1,7 faiz təşkil edib.
Hüquqi şəxs olan müştərilərin sayı 84 871 nəfər olub ki, bu da 2011-ci ilin noyabrına nisbətən 0,4 faiz, 2010-cu ilin yekunu üzrə isə 10,3 faiz azdır.
2011-ci ilin yekunları üzrə Azərbaycan banklarında müştəri hesablarının sayı 4 077 125 olub. Cari hesabda müştəri hesablarının ümumi sayı 3 730 551, depozit hesabı isə 346 574 ədəd təşkil edib.
Fiziki şəxslərin hesabında cari hesabların ümumi sayı 3 604 632 ədəd təşkil edib ki, burada sahibkarlıqla məşğul olan fiziki şəxslərin sayı 70 791 nəfər təşkil edib. 2011-ci ilin yekunları üzrə banklarda hüquqi şəxslərə 125 919 hesab açılıb.
