...

Azərbaycanda hazır sənaye məhsulu ehtiyatının 3,4 faizi tikinti materiallarının payına düşür

Biznes və iqtisadiyyat xəbərləri Materials 17 Fevral 2012 20:13 (UTC +04:00)

Trend-i buradan izləyin

Azərbaycan, Bakı, 17 fevral /Trend, müxbir A.Axundov/

Yanvar ayında Azərbaycanda tikinti materiallarının istehsalı ilə məşğul olan şirkətlər 16,9 milyon dəyərində məhsul istehsal ediblər ki, bu da 2011-ci il yanvar ayının göstəricisindən 1 faiz azdır. Bu barədə cümə günü Trend-ə Dövlət Statistika Komitəsindən məlumat veriblər.

Məlumata əsasən, 2012-ci ilin yanvarında 98,1 min ton sement, 4,3 min ton tikinti gipsi, 46,7 min ton hazır beton qarışığı istehsal edilib.

Hesabat dövründə, həmçinin, 16,5 min ton asfalt, 4,4 min kubmetr yığma beton tikinti konstruksiyası, 15 min kubmetr tikinti kərpici də istehsal edilib.

2012-ci il fevralın 1-nə müəssisələrin anbarlarında 9,7 milyon manat dəyərində hazır tikinti materialları ehtiyatı yaradılıb ki, bu da ölkənin anbarlarında mövcud olan bütün hazır məhsulların 3,4 faizini təşkil edir.

Fevralın 17-nə olan rəsmi məzənnə 0,7863 AZN/USD təşkil edir.

Xəbər lenti

Xəbər lenti