Azərbaycan, Bakı, 18 aprel / Trend, müxbirlər E.Tariverdiyeva, Т. Cəfərov /
Qəzvin-Rəşt-Astara dəmir yolunun tikintisi 2014-cü ilin martında başa çatacaq. Bu barədə İranın yollar və şəhər planlaşdırması nazirinin müavini Əhməd Sadiqi məlumat verib. Trend-in məlumatına görə, xəbəri çərşənbə günü İLNA agentliyi yayıb.
Onun sözlərinə görə, dəmir yolunun tikintisi 67 faiz başa çatıb. Dəmiryol marşrutu mürəkkəbdir və 22 tunel və 15 xüsusi körpüdən ibarətdir. 15 tunelin tikintisi 70 faiz tamamlanıb.
Xatırladaq ki, Qəzvin-Rəşt-Astara dəmir yolu Şimal-Cənub nəqliyyat dəhlizinin bir hissəsidir, onun tikintisi Azərbaycan, Rusiya və İran tərəfindən həyata keçirilir.
