Azərbaycan, Bakı, 28 aprel /Trend, müxbir Ə.Həsənov/
2011-ci ildə fəaliyyətin yekunları üzrə "Bank Melli Iran"ın Bakı filialının aktivləri ötən ilin əvvəli (53,39 milyon manat) ilə müqayisədə 37,9 faiz artaraq 73,67 milyon manat təşkil edib. Trend-in məlumatına görə, bu barədə şənbə günü şirkətin rəsmi mətbuatda dərc edilən balans hesabatında deyilir.
Bankın maliyyə hesabatlılığı müstəqil "Best Audit" MMC tərəfindən təsdiq edilib.
Bank 2011-ci ildə digər kredit təşkilatlarından 39,83 milyon manat əldə edib ki, bu da inişilin müvafiq göstəricisindən təqribən iki dəfə çoxdur. Müştərilərə verilən kredit və avansların ümumi həcmi 37,1 faiz azalaraq 4,2 milyon manat təşkil edib.
İl ərzində bankın ümumi öhdəlikləri 30,2 faiz artaraq 51,84 milyon manat təşkil edib. 2011-ci ilin sonuna olan məlumata görə, onlardan banklar və dövlət orqanları qarşısında "Bank Melli Iran"ın öhdəlikləri 48,99 milyon manat, müştəri hesabları üzrə 2,79 milyon manat, digər öhdəliklər üzrə isə 47,19 min manat təşkil edib.
2011-ci ilin nəticələri üzrə bankın məcmu kapitalı 21,84 milyon manat təşkil edib ki, bu da 2010-cu ilin göstəricisindən 60,6 faiz çoxdur. Nizamnamə kapitalı 22, 408 milyon manat (53,17 faiz artımla) təşkil edib. İlin yekunları üzrə bankın bölüşdürülməyən gəliri 581,38 min manat (1,8 dəfə azalma) olub.
