Azərbaycan, Bakı, 30 aprel /Trend, müxbir A.Axundov/
Dünya Bankı (DB) Azərbaycanda analitik işlərin həcmini artıracaq. Bu barədə bazar ertəsi Trend-ə bankın Bakı nümayəndəliyindən məlumat veriblər.
"Sıx təhlil və məsləhət xidmətləri (Analytical and Advisory Services - AAA) DB-nin Azərbaycanda kredit proqramını dolduracaq. Bank iş yerlərinin yaradılması və iqtisadiyyatın artmının şaxələndirilməsi, yoxsulluq və bərabərsizliklə mübarizə, dövlət maliyyələri, bank sektoru və kapital bazarları, habelə kənd təsərrüfatı və suvarma sahəsində analitik işlərini artıracaq", - nümayəndəlikdən bildiriblər.
Dünya Bankı dövlət xərclərinin proqram icmalı (Programmatic Public Expenditure Review), bərk tullantıların idarə edilməsi üzrə milli strategiya (National Solid Waste Management Strategy), Azərbaycanda sabit yol idarəetməsi və maliyyələşdirilməsi (Sustainable Road Management and Financing) sənədləri üzərində işləməyə davam edir.
"Hazırda Dünya Bankı Azərbaycan hökuməti ilə birgə müştərək iqtisadi araşdırmalar üzrə çoxillik proqram (Joint Economic Research Program - JERP) hazırlayır. Proqram siyasi və texniki ekspertizalar məsələləri üzrə yüksəkkeyfiyyətli məsləhətlərə fasiləsiz və vaxtında çıxışı təmin edəcək", - bankın nümayəndəliyindən deyiblər.
