Azərbaycan, Bakı, 4 may /Trend, müxbir A.Axundov/
Azərbaycan Mərkəzi Bankı (AMB) real sektorun monitorinqinin nəticələrindən çıxış edərək iqtisadiyyatda ciddi qiymət artmı gözləmir. Trend-in məlumatın görə, bu barədə cümə günü AMB-nin 2012-ci ilin birinci rübün yekunlarına həsr edilmiş pul siyasəti hesabatında deyilir.
"2012-ci ilin I rübündə sənaye sektoru istisna olmaqla, real sektorun bütün sahələri üzrə qiymət gözləntiləri indeksi neqativ zonadadır", - hesabatda deyilir.
Beynəlxalq maliyyə təşkilatlarının proqnozlarına görə, 2012-ci ildə Azərbaycanda inflyasiyanın təkrəqəmli olacağı gözlənilir.
"Beynəlxalq Valyuta Fondunun son hesabatına əsasən, 2012-ci ildə Azərbaycanda orta illik inflyasiyanın 5,6 faiz təşkil edəcəyi proqnozlaşdırılır. Hesabatda qeyd olunur ki, 2012-ci ildə MDB-də orta illik inflyasiya 7,1 faiz, inkişaf etməkdə olan ölkələrdə isə 6,2 faiz təşkil edəcək. Hər iki ölkə qrupları ilə müqayisədə Azərbaycanda 2012-ci ilin sonuna proqnozlaşdırılan inflyasiya müvafiq olaraq 1,5 və 0,6 faiz bəndi aşağı olacaq", - hesabatda deyilir.