Azərbaycan, Bakı, 30 may /Trend, müxbir Ə.Həsənov/
Gələn həftə Asiya İnkişaf Bankı (AİB) öz vəsaitləri hesabına Azərbaycanda həyata keçirilən layihələrin ekoloji qiymətləndirilməsini aparacaq. Bu barədə çərşənbə günü Trend-ə AİB-in Bakı nümayəndəliyindən bildiriblər.
"Ekoloji missiya bir həftəyə yaxın davam edəcək və nəqliyyat, enerji və su təchizatı layihələrini əhatə edəcək", - nümayəndəlikdən deyiblər.
Bankın missiyasına ətraf mühitə təsirin qiymətləndirilməsi üzrə mütəxəssis Ralf Starkov rəhbərlik edəcək.
