...

Azərbaycanda süni ada qeydiyyatdan keçib

Biznes və iqtisadiyyat xəbərləri Materials 3 İyul 2012 13:53 (UTC +04:00)
Xəzər dənizində "Khazar Islands" süni adalarının tikintisi layihəsi Azərbaycanın vergi оrqanlarında dövlət qeydiyyatından keçib.
Azərbaycanda süni ada qeydiyyatdan keçib

Azərbaycan, Bakı, 3 iyul /Trend, müxbir A.Axundov/

Xəzər dənizində "Khazar Islands" süni adalarının tikintisi layihəsi Azərbaycanın vergi оrqanlarında dövlət qeydiyyatından keçib. Trend-in məlumatına görə, bu barədə çərşənbə axşamı Vergilər Nazirliyinin rəsmi saytının "bir pəncərə" bölməsində bildirilir.

Təsisçi Azərbaycanın "Avesta" konserni "KHAZAR İSLANDS" MMC-ni iyunun 13-də vergi orqanlarında qeydiyyatdan keçirib.

Tikintinin ərazisi 2 min hektarı əhatə edir. Layihə "baş" adadan, iki paralel xətlə uzanan tikililərdən, onların boyunca çoxmərtəbəli binalar ucaldılmış kiçik adalardan və villalar üçün ayrıca adalardan ibarətdir. Kompleksin tikililəri və adaları körpülərlə birləşdiriləcək.

Hazırda 11 göydələndə və bir neçə sosial obyektlərdə tikinti işləri intensiv şəkildə davam edir.

"Avesta" konserninin prezidenti İbrahim İbrahimovun bir qədər əvvəl jurnalistlərə dediyi kimi, 2020-2025-ci illərdə başa çatdırılması planlaşdırılan layihəyə artıq Amerika, Türkiyə, ərəb və Çin sərmayədarları maraq göstərirlər.

Xəbər lenti

Xəbər lenti