...

ADIF sığorta ehtiyatlarının artmasını gözləyir

Biznes və iqtisadiyyat xəbərləri Materials 27 Avqust 2012 15:11 (UTC +04:00)

Azərbaycan, Bakı, 27 avqust /Trend, müxbir A.Axundov/

Azərbaycan Əmanətlərin Sığortalanması Fondu (ADIF) ilin sonunadək sığorta ehtiyatlarının 50 milyon manata qədər artmasını gözləyir. Trend-in məlumatına görə, bu barədə bazar ertəsi jurnalistlərə Fondun icraçı direktoru Azad Cavadov bildirib.

İkinci rüb ərzində Fondun sığorta ehiyatları 6,39 faiz artaraq 48,3 milyon manat təşkil edib. ADIF avqustun 1-dən üç müvəkkil bank vasitəsilə müflisləşmiş "Royal Bank" ASC-nin əmanətçilərinə kompensasiyaların ödənişinə başlayıb. Fond ödənişə təqribən 14,9 milyon manat ayırmağı planlaşdırır ki, bu da ADİF-in vəsaitlərinin 1/3 hissəsini təşkil edir.

"Kompensasiyalar ödənildikdən sonra təqribən 34 milyon manat həcmində vəsaitimiz qalacaq. Lakin biz bir neçə aydan sonra bu vəsaiti "Royal Bank"ın ləğvedicisi "Azerbaijan Consulting Company" MMC-dən geri alacağıq", - Cavadov qeyd edib.

Onun sözlərinə görə, hər rüb ADIF-ə təqribən 3,5 milyon manat daxil olur.

"Biz bu il vəsaitləri yalnız üçüncü rübün yekunları üzrə alacağıq, dördüncü rübün yekunları üzrə vəsaitləri isə 2013-cü ildə alacağıq", - Cavadov deyib.

Xəbər lenti

Xəbər lenti