...

Azərbaycanda Əfqanıstanın ticarət nümayəndəsi fəaliyyət göstərəcək

Biznes və iqtisadiyyat xəbərləri Materials 23 Oktyabr 2012 17:12 (UTC +04:00)

Trend-i buradan izləyin

Azərbaycan, Bakı, 23 oktyabr /Trend, müxbir T.Cəfərov/

Əfqanıstan və Azərbaycanın iş adamları arasında əlaqələrin daha da inkişaf etdirilməsi məqsədilə yaxın vaxtlarda Azərbaycanda Əfqanıstanın ticarət nümayəndəsi fəaliyyətə başlaycaq. Bu barədə çərşənbə axşamı Trend-ə Əfqanıstanın Ticarət və Sənayə Nazirliyinin mətbuat xidmətinin rəhbəri Vəhidullah Qazixeyl (Wahidullah Ghazikhail) bildirib.

Qazixeylin sözlərinə görə, ticarət nümayəndəsi azərbaycanlı investorların Əfqanıstanda enerji, xalçaçılıq, əkinçilik, maldarlıq, tikinti, mədən və digər sahələrdə sərmayə yatırması üçün şərait yaradacaq və iki ölkə tacirləri arasında əlaqələrin inkişafına öz töhfəsini verəcək.

"Əfqanıstan və Azərbaycan arasında ticarət əlaqələri yaxşı səviyyədədir və gələcəkdə bu əlaqələrin daha da inkişafına inanırıq", - o deyib.

Qazixeyl bildirib ki, Əfqanıstanda sərmayə yatırmaq üçün əlverişli şərait yaradılıb. Azərbaycanın iş adamlarının bu şəraitdən istifadə etmələri üçün xüsusi internet səhifəsi də fəaliyyət göstərəcək.

"Azərbaycan və Əfqanıstan hər ikisi İqtisadi Əməkdaşlıq Təşkilatına üzvdürlər və Azərbaycanın bu təşkilata rəhbərlik etməsi Əfqanstanın da iqitsadiyyatının inkişafına təsir göstərə bilər. Azərbaycan Əfqanıstanın neftə olan tələbatını təmin edə bilər. Əfqanıstan sizin ölkəniz vasitəsilə öz məhsullarını digər Avropa ölkələrinə ixrac edə bilər", - Qazixeyl qeyd edib.

Onun sözlərinə görə, Azərbaycanın İƏT-ə sədrlik etməsi təkcə Əfqanıstanın deyil, eləcə də bütün üzv ölkələrin inkişafına öz töhfəsini verə bilər.

Məqalədə:
Xəbər lenti

Xəbər lenti