Azərbaycan, Bakı, 1 noyabr /Trend, müxbir A. Axundov/
Azərbaycanda fermerlərə subsidiyalar verilməsinin yeni mexanizminin tətbiqi məsələsi hələ də gündəlikdədir. Trend-in məlumatına görə, bu barədə cümə axşamı jurnalistlərə kənd təsərrüfatı naziri İsmət Abasov deyib.
"Kənd Təsərrüfatı və İqtisadi İnkişaf nazirlikləri hökumətlə birlikdə bu məsələni müzakirə edir", - Abasov bildirib.
Onun sözlərinə görə, yeni mexanizmlər həcmlərin azaldılmasına deyil, əksinə onların artırılmasına, həmçinin bu vəsaitlərin daha səmərəli istifadə edilməsinə istiqamətlənib.