Azərbaycan, Bakı, 20 noyabr / Trend , müxbir A.Axundov /
Azərbaycan Mərkəzi Bankı (AMB) dövlət xərclərlərinin artımı və kreditvermənin artımının sürətlənməsi nəticəsində tələb tərəfindən təzyiqin yaranacağı halda maliyyə-kredit siyasətini sərtləşdirməlidir. Bu barədə BVF-nin Azərbaycan üzrə başa çatan missiyasının rəhbəri, Fondun Yaxın Şərq və Mərkəzi Asiya üzrə direktorunun müşaviri Raca Almarzoqi çərşənbə axşamı Bakıda keçirilən mətbuat konfransında deyib. Missiya noyabrın 8-dən işə başlayıb.
"Siyasətin aparılması alətləri məhdudlaşdırılıb, ona görə mübadilə kursunun ən böyük elastikliyi ehtimalı zamanı faiz dərəcəsinin təsirinin ötürülməsi mexanizminin möhkəmləndirilməsi uzunmüddətli perspektivdə inflyasiyanın dəyişkənliyinə nəzarət etməyə daha yaxşı kömək edəcək", - Almarzuqi deyib.
Onun sözlərinə görə, BVF və AMB danışıqlar zamanı çevik mübadilə məzənnəsinə keçidin vacibliyi barədə razılaşıblar. Amma bu qısamüddətli perspektivdə baş verməyəcək.
"Bu, orta və uzunmüddətli planlardır. Mərkəzi Bank artıq bu istiqamətdə texniki kömək alır. Texniki köməklə məşğul olan missiyanın məruzəsinin son mətni tezliklə hazır olacaq və rəsmi orqanlara veriləcək", - Almarzuqi bildirib.
Onun sözlərinə görə, bu məsələlər, həmçinin "BVF-nin yaradılması haqqında" razılaşma çərçivəsində 2013-cü il fevralın sonuna nəzərdə tutulmuş IV maddə üzrə məsləhətləşmələrin keçirilməsi üçün növbəti missiya zamanı müzakirə ediləcək.
