Azərbaycan, Bakı, 24 noyabr /Trend, müxbir C. Nəsibova/
2012-ci ilin noyabrın 1-nə olan məlumata görə, Azərbaycanda tikinti materiallarının istehsalı ilə məşğul olan şirkətlər 260,3 milyon dəyərində məhsul istehsal ediblər ki, bu da 2011-ci ilin analoji dövr göstəricisindən 18,2 faiz çoxdur. Bu barədə şənbə günü Trend-ə Dövlət Statistika Komitəsindən məlumat veriblər.
Məlumata əsasən, 2012-ci ilin 10 ayında 1,7 milyon ton sement, 115,5 min ton tikinti gipsi, 1023 min ton hazır beton qarışığı istehsal edilib.
Hesabat dövründə, həmçinin 460,1 min ton asfalt və 203 min kubmetr yığma beton konstruksiyası istehsal edilib.
2012-ci il noyabrın 1-nə müəssisələrin anbarlarında 10,9 milyon manat dəyərində hazır tikinti materialları ehtiyatı yaradılıb ki, bu da anbarlarda mövcud olan bütün hazır məhsulların 3,7 faizini təşkil edir.