Azərbaycan, Bakı, 14 mart/Trend, müxbir H. Vəliyev/
Son 10 il ərzində Azərbaycan ÜDM-i 3,4 dəfə artıb. Trend-in məlumatına görə, bunu cümə axşamı iqtisadi inkişaf naziri Şahin Mustafayev Bakıda keçirilən Azərbaycan-Rumıniya biznes forum zamanı deyib.
Onun sözlərinə görə, adambaşına düşən ÜDM 3 dəfə artıb.
"Bu dövr ərzində ölkədə sənaye istehsalının həcmi 2,8 dəfə çoxalıb. 2003-cü ildən bu günədək Azərbaycanda 1 milyona yaxın yeni iş yeri açılıb. Son 8 ildə ölkədə işsizliyin səviyyəsi 1,8 dəfə aşağı düşüb" , - nazir əlavə edib.