Azərbaycan, Bakı, 12 iyun /Trend, müxbir A.Axundov/
Vergilər Nazirliyi iri vergi ödəyiciləri tərəfindən vergi qanunvericiliyinin pozulması hallarının azalması tendensiyasını qeyd edir. Trend-in məlumatına görə, bunu çərşənbə günü jurnalistlərə vergilər nazirinin müavini Natiq Əmirov deyib.
Nazir müavini bildirib ki, ötən illə müqayisədə iri vergi ödəyiciləri arasında qanunvericiliyin pozulması sayının və vergidən yayınma hallarının azalması tendensiyası müşahidə edilir: "Daha sadə sistem üzrə vergi ödəyən kiçik vergi ödəyiciləri arasında isə əksinə, belə pozuntuların artması müşahidə edilir".
Onun sözlərinə görə, nazirlik vergi qanunvericiliyinin pozulması hallarının artmasının qarşısını almaq üçün vergi ödəyicilərini məlumatlandırmaq, onlar arasında treninqlərin keçirilməsi üzrə proqramlar hazırlayıb".