Azərbaycan, Bakı, 18 iyul /Trend, müxbir A.Axundov/
Azərbaycan Mərkəzi Bankı (AMB) bir manatlıq sikkələrin buraxılması məsələsini nəzərdən keçirməyə davam edir. Trend-in məlumatına görə, bu barədə cümə axşamı jurnalistlərə Mərkəzi Bankın Nağd pul departamentinin direktoru Hacıbaba Məsimov deyib.
AMB iyulun 18-də KİV nümayəndələri üçün "Açıq qapı" günü keçirib.
Onun sözlərinə görə, AMB bu imkanı hələ denominasiya prosesinin başlamasınadək öyrənməyə başlayıb. Lakin hələ daha irihəcmli sikkələrin dövriyyəyə buraxılmasını səmərəsiz edən amillər mövcuddur.
Məsimov bildirib: "Məsələn, bu, logistik problemlər, yəni xeyli sayda sikkələrin toplanması və daşınması ilə bağlı çətinliklər yaradır, həmçinin pul saxtakarlğının yayılması risklərini artırır. Sikkələrin qorunma səviyyəsi daha azdır. Üstəlik, onlar aşağı nominallı olduqlarına görə əhali saxta sikkələri təhvil vermir və onlar dövriyyədə qalmaqda davam edir. Məsələn, Avropada 1-2 nominallı saxta sikkələrin həcmi artır ki, bu da iqtisadiyyat üçün müəyyən problemlər yaradır. Digər vacib amil isə sosial ödənişlər zamanı yarana biləcək çətinliklərdir. Əgər 1 nominallı sikkələr buraxılsa, o zaman pensiyaçılar 4 manatadək məbləği çıxara bilməyəcəklər və o, hesabda qalacaq".
